我之所以建立呢個網站（PythonHK），係因為平時喺網上搵資料嘅時候，發現好多資源都係來自國外、台灣或者內地，專門針對香港讀者嘅內容真係唔多。所以我諗，點解唔試下自己整一個網站，將自己呢幾年學過嘅嘢，或者面對過嘅困難，分享俾有需要嘅人呢？希望可以幫到同樣喺呢個範疇上學習嘅朋友，唔使走咁多冤枉路。
就黎大學畢業，而家唸返起，呢幾年學習咗唔少 Python 同 Machine learning （機器學習）嘅知識，過程中亦遇過唔少嘅困難。我自己覺得，programming 唔係一條簡單嘅路，甚至好多時候都係要靠反覆摸索同埋慢慢去實踐。所以想用自己力所能及嘅方法，幫助其他想學 Python 的人！
叫做 PythonHK，都係想帶出呢個網站嘅初衷——可以補充香港在呢方面嘅資訊空白，俾大家有一個屬於香港人自己嘅 Python 學習平台，互相支持同進步。
8/11/2024
Chinese